तुलसीपुर,कात्तिक ७ ।नेपाली काँग्रेस तुलसीपुर वडा नं. १८ ले पीडित किसानलाई राहत दिन सरकारसँग माग गरेको छ । वडा नं १८ का सभापति बिरेन्द्र खड्काले स्थानीय सरकारसँग पीडित किसानहरुलाई राहत दिन आग्रह गरेका छन् ।
लगातारको वर्षाले गर्दा भित्र्याउन लागेको तुलसीपुर १८ क्षेत्रभित्रका खोली गाउँ, बाँसडबर, जमनीलगायतका विभिन्न स्थानहरुमा धानबालीमा क्षति पुगेको भन्दै त्यसमा स्थानीय सरकारले गम्भीरका साथ लिनुपर्ने इकाई सचिव बिदुर गौतमले बताएका छन ।
साथै वर्षाले धानबालिमा पुर्याएको क्षतिको सत्यतथ्य विवरण संकलन गरि पीडित किसानलाई तत्काल क्षतिपूर्ति तथा राहत दिन कांग्रेस तुलसीपुर १८ले स्थानीय सरकार संग आग्रह गरेको छ ।
प्रकाशित मिति : २०७८ कार्तिक ७ गते आइतवार
