दाङ, असार ३१ । चलचित्र पत्रकार संघ नेपाल दाङ शाखाले चलचित्र नम्बरी सुनका निर्देशक राजु गिरी, निर्माता नारायण खाति, कलाकारहरु कंगना गिरी, काजल गिरी संग घोराहीमा साक्षात्कार कार्यक्रमको आयोजना गरेको छ ।
कार्यक्रममा बोल्दै चलचित्र नम्बरी सुनका निर्देशक राजु गिरीले मैले विगतमा पनि समाजमा सकारात्मक सन्देश दिने सचेतनामूलक चलचित्रहरु निर्देशन गर्दै आएको बताए । सोही विषय बस्तुलाई समेटिएर समाजमा विद्यमान जातीय भेतभावको कथावस्तुलाई चलचित्रमा समेटिएको र यो चलचित्र पनि पारिवारिक प्रेम कथामा आधारित रहेको उनले बताए ।
‘कामका आधारमा निर्धारण गरिएको जातीय व्यवस्थाले मान्छे मान्छे बीचमा विभेदको अवस्था सिर्जना गरेको र त्यही विभेदले विभिन्न खाले घटनाहरु निम्त्याएको बताउदै,नम्बरी सुनमा पनि जातीय विभेदको गलत चिन्तन व्याप्त हुदा अन्तरजातीय प्रेम तथा विवाह सम्बन्ध, र ती जोडीको परिवार तथा समुदायमा भइरहेका अप्रिय घटनाहरुको बारेमा देखाउन खोजेका छौं,’उनले भने ।’
गौरव पहाडी, नम्रता सापकोटा, राजाराम पौडेल, बुद्धि तामाङ, विनोद न्यौपाने, सरोज खनाललगायतका कलाकारहरुको अभिनय रहेको चलचित्र आगामी भदौ १ गतेदेखि देशभरका सिनेमा हलहरुमा प्रदर्शन हुने बताए ।
चलचित्र प्रदर्शन हुने दिन नजिकिदै गर्दा नेपाल सुनचाँदी व्यावसायिक संघ दाङको आयोजना घोराहीमा च्यारेटी शोको आयोजना गरिएको थियो ।
चलचित्र पत्रकार संघ नेपाल दाङ शाखाका अध्यक्ष सन्तोष केसीको अध्यक्षता भएको कार्यक्रममा बोल्दै निर्माता तथा कलाकार नारायण खातीले सुनको बिषयबस्तुलाई सामाजसग जोडेर चलचित्रका माध्यमबाट देखाउन खोजेको बताए, कार्यक्रममा नेपाल पत्रकार महासंघ दाङका उपाध्यक्ष सन्तोष सुवेदी, सचिव आरके शीतललगायतले बोलेका थिए ।
संघका सदस्य एकराज भण्डारीको स्वागत मन्तव्यबाट शुरु भएको कार्यक्रमको सहजीकरण सचिव निरला अर्यालले गरेका थिए ।
