तुलसीपुर, भदौ १२ । भदौ १४ गते मध्य रातदेखि दाङमा एक हप्तासम्म निषेधज्ञा जारी गरिएको छ ।कोरोना संकट व्यवस्थापन समितिको शुक्रवार घोराहीमा बसेको बैठकले एक हप्ता जिल्ला भर निषेधज्ञा जारी गर्ने निर्णय भएको प्रमुखजिल्ला अधिकारी गोविन्द रिजालले फरक कोणलाई जानकारी दिए ।
संकट व्यवस्थापन समितिका संयोजक समेत रहेका रिजालले आइतवार राति १२ बजेदेखि लागु हुने गरि निषेधज्ञा जारी गर्ने निर्णयभएको बताए ।
‘कोरोना भाइरसको संक्रमन समुदायमा थप फैलिन नपावस भन्नका लागि एक हप्ता निषेधज्ञा जारी गरेर व्यापक रुपमा पिसिआरपरीक्षण गर्ने निर्णय भएको छ,’ रिजालले भने ।
दाङ कोरोना फोकल पर्सन कमल चन्दका अनुसार जिल्लामा हालसम्म ७४८ जना संक्रमित फेला परेका छन् । हाल जिल्लामा ६९ जनासक्रिय संक्रमित रहेका छन् । अन्य भने उपचार पछि घर फर्कि सकेका छन् ।
प्रकाशित मिति : २०७७ भाद्र १२ गते शुक्रवार
