दाङ,चैत २ । अभिनेता पल शाह दाङ आउने भएका छन ।
घोराहीमा हुन लागेको बृहत् सांस्कृतिक कार्यक्रम-२०७९ मा सहभागी हुनका लागी अभिनेता पल शाह आफ्नो गृह जिल्ला आउन लागेका हुन ।
डिटेन नेपाल इन्टरटेनमेन्ट मिडिया प्रालिको आयोजनामा यही चैत्र ९ देखि ११ गतेसम्म घोराही-१४ झिगौंरामा हुने बृहत सास्कृतिक कार्यक्रममा सहभागी हुने छन् ।
आयोजक डिटेन नेपाल इन्टरटेनमेन्ट मिडिया प्रालिले घोराहीमा पत्रकार सम्मेलनको आयोजना गरेर कार्यक्रमका बारेमा जानकारी गराएको हो ।
सांस्कृतिक कार्यक्रममा नायक पल शाहसहित गायक प्रमोद खरेल, लोकदोहोरी गायक पशुपती शर्मालगायतका कलाकारहरु आउने भएका छन ।
साथै आयोजकले स्थानीय कलाकारहरुलाई पनि बिशेष स्थान दिने बताएका छन।
प्रकाशित मिति : २०७९ चैत्र २ गते बिहिवार
