२०८१ असार ९ गते शनिवार

नेपालमा थप २ हजार ७ सय १४ जनामा कोरोना पुष्टि, १ हजार २ सय ८८ जना सङ्क्रमण मुक्त

काठमाण्डौ,साउन ७ । नेपालमा पछिल्लो २४ घण्टामा दुई हजार सात सय १४ जनामा कोरोना सङ्क्रमण पुष्टि भएको छ ।

नौ हजार एक सय २२ जनाको पीसीआर परीक्षण गर्दा एक हजार आठ सय ५५ जनामा र तीन हजार सात सय सात जनाको एन्टिजेन परीक्षण गर्दा आठ सय ५९ गरी दुई हजार सात सय १४ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

२४ घन्टामा नमुना परीक्षण गरिएकामध्ये २१ दशमलव १५ प्रतिशतमा सङ्क्रमण देखिएको छ ।

नेपालमा अहिलेसम्म सात लाख २७ हजार एक सय ६९ जनामा सङ्क्रमण पुष्टि भएको छ ।

यस्तै थप एक हजार दुई सय ८८ जना निको भएसँगै कोरोना सङ्क्रमणमुक्त हुनेको सङ्ख्या ६ लाख ३७ हजार ६ सय ९० पुगेको छ । अहिले नेपालमा सक्रिय सङ्क्रिमतको सङ्ख्या २७ हजार तीन सय ७५ रहेको छ ।

यस्तै थप २४ जनाको ज्यान गएको विवरण प्राप्त भएसँगै कोरोना सङ्क्रमणका कारण ज्यान गुमाउनेको सङ्ख्या नौ हजार ६ सय ६१ जना पुगेको छ ।

 

 

प्रकाशित मिति : २०७८ साउन ७ गते बिहिवार
प्रतिक्रिया दिनुहोस

Leave a Reply

Your email address will not be published. Required fields are marked *