दाङ, असार २२ । नेपाल आयल निगमले पेट्रोलियम पदार्थको मूल्य फेरि बढाएको छ ।
खाना पकाउने ग्यास, डिजल, मट्टितेल र हवाइ इन्धनको मूल्य फेरि बढाइएको छ ।
मूल्य समायोजन भएको १३ दिनमै पेट्रोलियम पदार्थको मूल्य बढाइएको छ । असार ९ गते मात्रै निगमले पेट्रोलियम पदार्थको मूल्य बढाएको थियो।
निगमका अनुसार पेट्रोल, डिजल र मट्टितेलको मूल्यमा प्रतिलिटर २ रुपैंयाको दरले बढाइएको छ ।
अब पेट्रोलको मूल्य प्रतिलिटर १२९, डिजल तथा मट्टितेलको प्रतिलिटर ११२ रुपैंया पुगेको छ ।
बढेको मूल्य मंगलबार राति १२ बजेदेखि लागू हुने भएको छ।
त्यसैगरी एलपी ग्यासको मूल्य पनि प्रतिसिलिण्डर २५ रुपैयाँले बढेको छ। खाना पकाउने ग्यासको मूल्य अब प्रतिसिलिण्डर १४२५ रुपैयाँ पर्नेछ ।
त्यस्तै आन्तरिकतर्फ हवाई इन्धनको मूल्य पनि प्रतिलिटर २ रुपैयाँले बढाएर प्रतिलिटर ८४ रुपैयाँ पु¥याइएको छ।
अन्तर्राष्ट्रिय उडानमा प्रतिकिलोलिटर इन्धनको १९ अमेरिकी डलर वृद्धि गरिएको छ।
अब प्रतिकिलोलिटर अमेरिकी डलर ७५४ कायम भएको छ।
