तुलसीपुर, असार २० । पत्रे खोलाको भत्किएको कचबे आइतबार ढलान गरिएको छ । जसका लागि तुलसीपुर– घोराही सडक खण्ड आइतबार बिहान ८ बजेदेखि बन्द गरिएको छ ।
सार्वजनिक सूचना जारी गरि अब सडक खण्ड २२ गते राति १० बजेपछि मात्रै खोलिने जानकारी भएको छ ।
पत्रे खोलामा कचबे भत्किएको ब्यापक गुनासो पछि प्रमुख जिल्ला अधिकारी रुपमा रामबहादुर कुरुम्बाङ सुरुवा भएर आएकै दिन पत्रे खोला निरक्षण गर्न आएका थिए ।
सडक कार्यालयका कर्मचारी सहित निरिक्षण गर्न गएका कुरुम्बाङले सोही दिन तत्काल पत्रे खोलामा भत्किएको कचबे निर्माण गर्न निर्देशन दिएका थिए ।
पत्रे खोलाको कचबे भत्किदा मुख्यगरि साना सवारी साधन चालकले पाउनु सास्ति पाएका थिए । सानो बाढी आउँदा समेत यातायातका साधन सञ्चालन हुन सक्दैन थिए ।
माटेरसाईकल डो¥याएर तारिदीने स्थानीय युवकहरुले उनीहरुबाट ५० रुपैंयादेखि दूई अढाई सय रुपैंयासम्म असुशल्दै आएका थिए ।
पत्रे खोलामा ६ बर्षदेखि निर्माणाधिन पुल अझैं निर्माण पुरा भइ सकेको छैन ।
