दाङ,भदौ १२ । बालक अपहरण गरि दश लाख फिरौति माग्ने व्यक्तिलाई बाँके प्रहरीले पक्राउ गरेको छ ।बालक अपहरणको अभियोगमा नेपालगञ्ज उपमहानगरपालिका वडा नं. १६ निवासी २७ बर्षीय कल्लु भनिने कलिम खाँलाई प्रहरीलेपक्राउ पछि आइतवार सार्वजनिक गरेको छ ।
उनले आफ्नै सालो खजुरा गाउँपालिका वडा नं. ५ निवासी १३ बर्षीय इशहाक जाकिर भिनिने इन्तजार खाँलाई अपहरण गरेको अभियोगलागेको छ । भदौ ९ गते बेलुका साढे ८ बजे बालक इन्तजार गाउँमा मोहरम्को रमाईलो हेर्न गएको मौका छोपेर कलिमले उनलाईअपहरण गरेको प्रहरीले बताएको छ ।
अपहरण पछि कलिमले सालो इन्तजारलाई जयसपुरस्थित आफ्नो घर कोठामा बन्धक बनाई फोन सम्पर्क गरि धम्काउँदै दश लाखफिरौति माग्दै आएका थिए ।
बालक इन्तजार अपहरण परेको र अपहरणकारीले दश लाख रुपैंया फिरौति माग्दै धम्काउने गरेको सूचना प्रहरीले पाए लगतै बालककोखोज तलास सुरु गरेको थियो ।
त्यसको सूँइको पाएपछि कलिमले भदौ ११ गते सालोलाई जानकी गाउँपालिका वडा नं. ५ बुढिया गाउँस्थित फूपुको घरमा लगेर छोडेकाथिए ।
जिल्ला प्रहरी प्रबक्ता डिएसपी सुवाश खड्काका अनुसार प्रहरीले इन्तजार त्यहीबाट गरेको थियो ।त्यसपछि कलिमलाई नियन्त्रणमा लिइएको डिएसपी खड्काले जानकारी दिए ।
प्रहरीका अनुसार सशुराले जग्गा खरिद गर्नको लागि घरमा रुपिया पैंशा जम्मा गरेको थाहाँ पाएका जवाँई कलिमले त्यही पैंशा पाउनेलालचमा सालोलाई अपहरणको गरेको डिएसपी खड्काले जानकारी दिए ।
प्रहरीले अपहरणमा प्रयोग भएको एउटा मोटरसाईकल र धम्काएर फिरौति माग्न प्रयोग भएको एउटा मोवाईल फोन पनि बरामद भएकोडिएसपी खड्काले जानकारी दिएका छन् । प्रहरीले घटनावारे थप अनुसन्धान भइरहेको जानकारी दिएको छ ।
