दाङ,भदौ १२ । ईलाका प्रहरी कार्यालय तुलसीपुरका प्रमुख शिवबहादुर सिंहले हालसम्म ५ सय ७८ वटा टोल सुरक्षा समिति गठन गरिएको जानकारी दिएका छन् ।
कोभिड – १९ रोकथाम र नियन्त्रणका लागि प्रहरीले समुदाय सँग मिलेर टोल टोलमा समिति गठन गर्ने अभियानलाई तीव्रता दिन थालेको छ ।
प्रहरी नायव उपरिक्षक सिंहले टोल सुरक्षा समितिको कार्यबिधि तयार पारेर त्यसैका आधारमा टोलहरुमा भेला गरि टोल सुरक्षा समिति गठन गरिएको बताए ।
तुलसीपुरको ६ बिहानी टोलमा प्रहरी सहायक निरिक्षक रमेश बिसीको अगुवाइमा शुक्रबारको भेलाले वडा सदस्य यमुना परियारलाई टोल सुरक्षा समितिको संयोजक तोकेको छ ।
वडा सदस्य पदन संयोजक रहने कार्यबिधि छ ।
त्यस्तै सह–संयोजकमा सोही टोलकी सिता चौधरी,सदस्य सचिबमा राजकुमार थारु,सदस्यमा शान्ति चौधरी,बिकास चौधरी,लक्ष्मी चौधरी,फूलमति चौधरी, मणीराम बिश्वकर्मा र रुकुमी चौधरीलाई चयन गरिएको छ ।
टोल सुरक्षा समितिको सल्लाहकारमा सुशील बस्नेत, प्रेमा चौधरी, मनोज लामिछाने र हिमलाल चौधरीलाई चयन गरिएको छ ।
