अनलाइन रिटेलिङ कम्पनी अमेजनले अमेरिका र बेलायतमा कार्यरत हजारौं कामदारको ज्याला वृद्धि गरेको छ ।
अबदेखि अमेजनमा काम गर्ने अमेरिकी कर्मचारीले न्यूनतम प्रतिघण्टा १५ डलर पारिश्रमिक पाउनेछन् । बेलायतको हकमा लण्डनका कर्मचारीले प्रतिघण्डा साढे १० पाउण्ड अनि लण्डन बाहिरको सहरका कर्मचारीले प्रतिघण्टा साढे नौं पाउण्ड पारिश्रमिक पाउनेछन् ।
कामदारहरुको न्यून ज्याला तथा कमजोर कार्यवातावरणलाई लिएर चौतर्फी आलोचना भैरहेको बेला अमेजनले ज्याला वृद्धि गरेको हो ।
अमेजन १ टि्रलियन डलर सम्पत्ति भएको विश्वको दोस्रो ठूलो कम्पनी हो ।
अमेजनका मालिक जेफ बेजोस विश्वका सबैभन्दा धनी व्यक्ति हुन् र उनको सम्पत्ति १ खर्ब ५० अर्ब डलर रहेको छ ।
अमेजनले वृद्धि गरेको नयाँ ज्यालादर आगामी नोभेम्बर १ देखि लागू हुनेछ । यो ज्यालादर अस्थायी तथा स्थायीका साथै पार्टटाइम वा फूलटाइम सबैखाले कर्मचारीमा लागू हुने बताइएको छ ।
बढेको ज्यालाबाट अमेरिकामा कार्यरत अढाई लाख तथा बेलायतमा कार्यरत १७ हजार जना अमेजनका कर्मचारी/कामदार लाभान्वित हुने बताइएको छ । एजेन्सीको सहयोगमा
