घोराही, माघ १८ । अध्ययनको सिलशिलामा अस्ट्रेलिया बस्दै आएका दाङका जगदिश शाहले ५ विद्यार्थीलाई सहयोग गरेका छन् । दाङको घोराही उपमहानगरपालिका वडा नं. ७ बेसाही निवासी शाहले मावि सांैडियारमा अध्ययनरत ५ जना विद्यार्थीलाई जनही ५ हजारका दरले २५ हजार आर्थिक सहयोग गरेका छन् ।
विद्यालयको ४६आंै बार्षिक उत्सब समारोहमा शनिवार उक्त रकम प्रदान गरिएको हो ।
गरिब तथा बिपन्न बिद्यार्थीलाई रकम अभावकै कारण पढाइमा कुनै समस्या नहोस भनेर आफुले सहयोग गरेको शाहले बताएका छन् ।
छोराको तर्फवाट बुवा भुपबहादुर शाहले त्यो रकम विद्यालय परिवारलार्य प्रदान गरेका हुन ।
कार्यक्रम प्रमुख अतिथि प्रदेशसभा सदस्य अमरबहादुर डाँगीले समाजमा यसैगरि एकले अर्कौलाई सघाउने वातावरण निर्माण हुन जरुरी रहेको बताए । त्यसवाट समाजका धेरै समस्याहरु हल हुने उनले आशा व्यक्त गरे ।
कार्यक्रमका बिशिष्ट अतिथि खोपिराम चौधरी, बिद्यालयक प्रधानाध्यापक ज्ञानेन्द्र गौतम, बिद्यालय व्यवस्थापन समितिका अध्यक्ष शरद केसीले सहयोगी शाहलाई धन्यवाद ज्ञापन गरेका थिए ।
कार्यक्रममा कांग्रेसका युबा नेता सरोज शाह, पत्रकार निशानदाजु भट्टराई,डिल्ली केसी,भुबन चौधरी लगायतकाले मनतब्य व्यक्त गरेका थिए । त्यसक्रममा स्थानीय संगीता शाह र सुधा शाहले स्यानेटरी प्याड सहयोग स्वरुप प्रदान गरेका थिए ।
