दाङ, पुस १७ । बर्दियामा जंगलमा भैंसी चराउन गएकी एक महिलाको हात्तीको आक्रमण बाट मृत्यु भएको छ ।
जिल्लाको राजापुर नगरपालिका–१ की ४० बर्षीया बालिका पुरीको हात्तीको आक्रमण बाट मृत्यु भएको बर्दियाका प्रहरी प्रबक्ता डिएसपी देवेन्द्रकुमार मल्लले बताए ।
पुरीको खोजीका क्रममा बिहीबार बिहान स्थानीय, वनका कर्मचारी र प्रहरीसहितको संयुक्त टोलीले शब फेला पारेको थियो ।
बुधबार दिउँसो नेपाल –भारत सीमा क्षेत्रको जंगलमा भैंसी चराउन गएको समयमा पुरीलाई जंगली हात्तीले आक्रमण गरेको थियो ।
अन्य तीन जनाले भागेर ज्यान जोगाउन सफल भएका थिए । पुरीको शब पोष्ट मार्टमको लागि शब जिल्ला अस्पताल लगिएको छ ।
प्रकाशित मिति : २०८२ पुष १७ गते बिहिवार
