दाङ, बैशाख २२ ।रोल्पामा ट्याक्टर दुर्घटनामा परि दाङका एक युवकको घटनास्थलमै मृत्यु भएको छ ।
दाङको घोराही उपमहानगरपालिका – ४ का २९ बर्षीय खिमबहादुर सुनारको घटनास्थलमै मृत्यु भएको हो ।
रोल्पाको परिवर्तन गाउँपालिका – ३ बागमारामा गएराति साढे ९ बजेतिर लु.प्र ०२–००१ त ८९ नम्बरको ट्रयाक्टर दुर्घटनामा परेको थियो ।
चुनबाङ भित्री सडक खण्ड अन्तरगत दुई खोलीदेखि बागमारा तर्फ जाँदै गरेको उक्त ट्याक्टर आँफै अनियन्त्रित भइ सडकदेखि झन्डै ६ मिटर तल खसेको थियो ।
चालक सुनारको घटनास्थलमै मृत्यु भएको प्रहरीले जानकारी दिएको छ । ट्रयाक्टरमा चालक सुनार एक्लै सवार रहेको प्रहरीले जानकारी दिएको छ ।
प्रकाशित मिति : २०८२ बैशाख २२ गते सोमवार
