तुलसीपुर, फागुन १४ । तुलसीपुरमा बुधबार दिउँसो गाडीको ठक्करबाट पैदल हिडिरहेका एक जना बृद्ध घाइते भएका छन् ।
घाइते हुनेमा तुलसीपुर उपमहानगरपालिका – ९ बेलुवाका ६५ बर्षीय शिवराज नेपाली छन् ।
बुधबार दिउँसो पौने ३ बजेतिर बसपार्क बाट अटो भिलेज तर्फ जाँदै गरेको भे १ ज १३४४ नम्बरको इभी गाडीले नेपालीलाई ठक्कर दिएको थियो ।
घाइते नेपालीलाई तुलसीपुुरस्थित राप्ती प्रादेशिक अस्पतालमा प्रारम्भिक उपचार पछि थप उपचारका लागि बाँकेको नेपालगञ्जस्थित नर्सिङहोमका लागि रिफर गरिएको छ ।
गाडी चालक शान्तिनगर गाउँपालिका – ५ का ४० बर्षीय इन्द्रबहादुर घर्तीलाई प्रहरीले पक्राउ गरेको छ ।
प्रकाशित मिति : २०८१ फाल्गुन १४ गते बुधवार
