शिव पुन ,तुलसीपुर, साउन २९। तुलसीपुरमा एक जनाको मोटरसाइकल घरबाटै चोरी भएको छ ।
तुलसीपुर उपमहानगरपालिका वडा नम्बर १८ बिजौरी मानपुररोड निवासी तुलसीराम कंडेलको मोटरसाइकल गएराती घरबाटै चोरी भएको हो ।
रातो कालो रंगको भे ६ प ७५०१ नम्बरको मोटरसाइकल घरको कम्पाउण्डबाटै चोरी भएको कडेँलले बताए ।
उनले मोटरसाइकल कहिँकतै भेटेमा मोबाइल नम्बर ९८४४९३६३७५ वा नजिकैको प्रहरी कार्यालयमा खबर गरिदिन अनुरोध समेत गरेका छन ।
तुलसीपुरमा पछिल्लो समय मोटरसाइकल चोरीका घटना बढेका छन् ।
यसअघि पनि तुलसीपुरका विभिन्न स्थानबाट मोटरसाइकल चोरी भएका थिए । तर प्रहरीले चोर पत्ता लगाउन सकेको छैन् ।
प्रकाशित मिति : २०८१ साउन २९ गते मङ्गलवार
