तुलसीपुर, असार १२ । तुलसीपुर उपमहानगरपलिकाले निजी वन दर्ता प्रक्रिया सुरु गरेको छ ।
तुलसीपुर– ९ का जनार्दन शाहलाई उपमहानगरले जिनी वन दर्ताको प्रमाणपत्र बुधबार प्रदान गरेको छ । यो संगै शाह तुलसीपुर निजी वन दर्ता गर्ने पहिलो व्यक्ति बनेका छन ।
विजौरी सबडिभजिन वन कार्यालयको सिफारिसमा उनलाई प्रमाणपत्र प्रदान गरिएको हो ।
नगर प्रमुख टीकाराम खड्काले शाहलाई वन दर्ताको प्रमाणपत्र प्रदान गरेका हुन । शाहले ८२३७ दशमलब ४१ वर्ग मिटरको क्षेत्रफलमा १ सय ४१ वटा सालका रुख रोपेका छन् ।
वन ऐन २०७६ र वन नियमावली २०७९ को ब्यबस्था अनुसार स्थानीय स्तरमै निजी वन दर्ताको प्रक्रिया सुरु गरिएको प्रमुख प्रशासकीय अधिकृत गेहेन्द्र डाँगीले बताए ।
प्रकाशित मिति : २०८१ असार १३ गते बुधवार
