सुर्खेत, माघ १७ । सुर्खेतको वीरेन्द्रनगरमा ट्रक र ट्रयाक्टर ठोक्किँदा ट्रयाक्टरका चालकको मृत्यु भएको छ । सुब्बाकुनाबाट बजारतर्फ आउँदै गरेको भे १ त ७५८९ नम्बरको ट्याक्टरलाई पछाडिबाट आइरहेको लु १ ख ७६७० नम्बरको ट्रकले ठक्कर दिँदा चालक जुनीचाँदे गाउँपालिका–१ का ३४ वर्षीय चालक प्रेम कार्कीको घटनास्थलमै मृत्यु भएको छ ।
मृतकका आफन्तले उचित क्षतिपूर्तिका माग गर्दै शव बुझ्न मानेका छैनन् । शुक्रवार विहान घटना भएपनि अहिले सम्म वार्ता हुन सकेको छैन । शव कर्णाली प्रदेश अस्पतालमा राखिएको छ।
प्रकाशित मिति : २०७६ माघ १७ गते शुक्रवार
