दाङ, माघ ३ । पश्चिम दाङको चिसापानीमा मोटरसाईकल दुर्घटना हुँदा एक जनाको मृत्यु भएको छ ।
शान्तिनगर गाउँपालिका वडा नं. ५ काँसीपुर निबासी ४५ वर्षीय चोपीलाल केसीको मृत्यु आफैले चलाएको मोटरसाईकल दुर्घटना हुँदा मृत्यु भएको जिल्ला प्रहरी प्रबक्ता सुमित खड्काले जानकारी दिए ।
दुर्घटनाका गम्भीर घाईते केसीलाई बाँके तर्फ लैजाँदै गर्दा बाटोमै मृत्यु भएको प्रहरीले बताएको छ ।
बिहीबार बेलुका ७ बजेतिर हापुरेबाट–रगैंजा तर्फ जाँदै गरेको केसी सवार रा ५ प २२६९ नम्बरको मोटरसाईकल बबई गाउँपालिका वडा नं. ६ को चिसापानीमा दुर्घना भएको थियो ।
तीव्र गतिका कारण मोटरसाईकल अनियन्त्रित भइ दुर्घटना भएको प्रहरीले जानकारी दिएको छ ।
प्रकाशित मिति : २०७६ माघ ३ गते शुक्रवार
