बुटवल, मंसिर ११। अर्घाखाँचीको सन्धिखर्क नगरपालिका–६ नरपानीमा आज बेलुका भएको बस दुर्घटनामा सत्र जनाको घटनास्थलमै मृत्यु भएको छ।
सन्धिखर्कबाट बुटवल जाँदै गरेको लु २ ख २१४८ नम्बरको बस नरपानी बजार नजिकैको घुम्तीमा दुर्घटना भएको हो।
दुर्घटनास्थलमा नेपाली सेना, नेपाल प्रहरी र सशस्त्र प्रहरी तथा स्थानीयवासीले उद्धार गरिरहेका छन्। अहिलेसम्म सत्र जनाको घटनास्थलमा नै मृत्यु भएको प्रहरीले बताएको छ । मृत्यु हुनेमा १० पुरुष र ७ महिला छन्। मृतकको सनाखत हुन सकेको छैन। घाइतेको उद्धार जारी रहेको छ।
बस सडकबाट झण्डै तीन सय मिटर तल खसेको छ। घटनाका बारेमा विस्तृत विवरण आउन बाँकी छ।
प्रकाशित मिति : २०७६ मङ्सिर ११ गते बुधवार
