२०८१ जेष्ठ १५ गते मङ्गलवार

लैगिंक हिंसा बिरुद्धको १६ दिने अभियान सुरु

यमकला भुसाल,
तुलसीपुर, मंसिर ९। समानताको पुस्ता बलात्कार बिरुद्ध एक्यबद्धता भन्ने मुल नाराका साथ सोमवार देखि देशैभर लैगिंक हिंसा बिरुद्धको १६ दिने अभियान सुरु भएको छ । नोभेम्बर २५ देखि डिसेम्बर १० सम्म विभिन्न सचेतनामुलक कार्यक्रमहरु गरि यो अभियान सञ्चालन गरिन्छ । लैगिंक हिंसा बिरुद्धको १६ दिने अभियान अन्तर्गत पहिलो दिन तुलसीपुरमा सरोकारवालाहरुसगं अन्तरक्रिया कार्यक्रम गरिएको छ ।

तुलसीपुर उपमहानगरपालिकाका उपप्रमुख माया शर्माको अध्यक्षतामा भएको सरोकारवालाहरुले लैगिंक हिंसा मुक्त समाज निमार्णका लागी एक भएर लाग्ने प्रतिबद्धता व्यक्त गरेका छन । उनीहरुले लैगिंक हिंसालाई अपराधको रुपमा लिएर कारवार्ही गर्ने,हिंसा अन्त्य गर्न परम्परागत हानिकारक लैगिंक मान्यतालाई प्रवद्र्धन गर्ने सञ्चार सामाग्री निरुत्साहित गर्ने,हिंसा प्रभावितलाई न्याय र पिडकलाई कारवाहीको दायरामा ल्याउन सहयोग गर्ने लगाएतका प्रतिबद्धता जनाए ।

कार्यक्रममा बोल्दै ओरेक नेपाल दाङकी सयोजंक इश्वरी थापाले महिला बिरुद्ध हुने भेदभाव तथा हिंसा जस्ता जघन्य अपराधलाई राज्यले कानुनद्धारा दण्डनिय बनाएको भएपनि हिंसाहरुमा कमी आउन नसकेको बताइन ।

उनका अनुसार नेपालको ५ वर्षको तथ्याङ्क हेर्दा (२०७२ देखि २०७६) सम्म मा ७ हजार ९ सय १३ जना महिला माथी विभिन्न स्वरुपमा हिंसा भएको पाइएको छ । त्यस्तै वितेको वर्ष २०७५÷०७६ को तथ्याङक अनुसार १ सय ४३ जना महिला तथा बालबालिका माथी बलात्कार भएको देखिएको छ ।

यसैगरि नेपाल प्रहरीको २०७५÷०७६ को तथ्याङक अनुसार १ वर्षमा १४ हजार ७ सय ७४ हरेलु हिंसा ,२ हजार २ सय ३० जना महिला तथा बालबालिका काथी बलात्कार,७ सय ८६ जना माथी बलात्कारको प्रयास २ सय ५८ जनालाई बचबिखन गरिएको र ४६ जना महिला माथी बोक्सीको आरोपमा हिंसा भएको पाइएको छ । प्रहरीको तथ्याङकलाई आधार मान्ने हो भने प्रत्येक दिन ६ जना भन्दा बढी महिला तथा बालबालिका बलात्कार हुने गरेको पाइएको छ ।

समाजको हरेक सरंचनामा रहेको बिभेदले असमान शक्ति सम्बन्ध सिर्जना हुने गरेको समेत सयोजंक थापाले जानकारी दिइन ।

महिला बालबालिका तथा सामाजिक विकास शाखाकी महिला विकास प्रमुख विष्णु आचार्यको स्वागत मन्तव्यबाट सुरु भएको कार्यक्रमको सहजीकरण शाखाको अधिकृत माया क्षेष्ठले गरेकी थिइन् ।

कार्यक्रम तुलसीपुर उपमहानगरपालिका महिला बालबालिका तथा सामाजिक शाखाको आयोजना एवं तुलसीपुर उपमहानगरपालिका क्षेत्रका सम्पुर्ण सरोकारवालाहरुको समन्वयमा भएको थियो ।

प्रकाशित मिति : २०७६ मङ्सिर ९ गते सोमवार
प्रतिक्रिया दिनुहोस

Leave a Reply

Your email address will not be published. Required fields are marked *