घोराही, ४ मंसीर । मंंसीर १४ गते हुने उपनिर्वाचनकालागि घोराही १६ मा अध्यक्षका उमेद्वारहरुले प्रचारप्रसारलाई तिब्र बनाएका छन् ।
नेपाली कांग्रेसका उमेद्वार ताराबहादुर डिसी चुनावी प्रचारप्रसारमै व्यस्त छन । डिसी मतदाताहरुको घरघरमा पुगेर मत माग्दै मततदाताहरुको समस्या सुन्दै आएका छन ।
मतदाताहरुले डिसीलाई भव्य स्वागत गर्ने गरेका छन् । मतदाताहरुको दैलोसम्म पुग्ने डिसीलाई १६ नम्बर बासी मतदाताहरुले अविर, फूलमालाले स्वागत गर्दै जितको शुभकामना दिने गरेका छन् ।
‘लौ यो जीतको शुभकामना सहितको अविर र टीका हो । तपाई नै हो चुनाव जित्ने, जितपछि पनि हाम्रो आँगनमा आउनुहोला’ भन्दै मतदाताहरुले अविर र मालाले उनलाई मतदाताहरुले स्वागत गर्ने गरेका छन् ।
वर्तमान सरकारका क्रियाकलापबाट आफूहरु असन्तुष्ट रहेको भन्दै उनीहरुले यसपटक नेपाली कांग्रेसबाट उमेद्वार बनेका डिसीलाई मत दिने प्रतिवद्धता पनि व्यक्त गरेका छन् ।
आफूहरुलाई वडाको विकास चाहिएकाले ‘त्यो तपाईबाट मात्र सम्भव छ’ भन्दै मतदाताहरुले जिताएरै छाड्ने बताएका छन् । ‘जुझारु युवा जसले लामो समयदेखी राजनिति र समाजसेवालाई सँगसँगै अगाडी बढाएको छ ।
हामीले खोजेको वडा अध्यक्ष यस्तै व्यक्ती हो’ घरदैलोका क्रममा डिसीसँग एक मतदाताले भने– ‘वडाको हरेक समस्या बुझेको व्यक्ती तपाई हो । तपाईबाट नै हाम्रा समस्या समाधान हुन सक्छन् ।’
मतदाताहरुको र समग्र १६ नम्बर वडाको विकासकालागि आफूले काम गर्ने भन्दै उमेद्वार डिसीले आफूलाई मत दिएर जिताउन अनुरोध गरेका थिए । ‘मतदाताहरुको साथ र हौसलाले म एकदमै उत्साहित भएको छुँ’ डिसीले भने–‘ वडाबासीहरको यति धेरै माया र साथ छ, निर्वाचित भईसकेपछि मतदाताहरुको सम्पूर्ण समस्या समाधानमा लाग्नेछु ।
