तुलसीपुर,कार्तिक २५ । दाङको तुलसीपुरमा स्कुले बसले किचेर एक बालकको मृत्यु भएको छ ।
तुलसीपुर उपमहानगरपालिका वडा नं ३ राणा गाउँ निवासी लालबहादुर विकका डेढ वर्षको छोरा राजकुमार विकको आइतवार बिहान किचेर मृत्यु भएको हो ।
बाबुले एक छोरालाई स्कुल बसमा चढाउँदै गर्दा अर्का छोरा राजकुमार बस मुनि पुगेको र त्यही क्रममा बस गुडेपछि किचेर मृत्यु भएको इलाका प्रहरी कार्यालय तुलसीपुरका डिएसपी हरिहरनाथ योगीले जानकारी दिए ।
त्यो बस ग्रिन टप बोडिङ् स्कुल दमारगाउँको रहेको प्रहरीले जानकारी दिएको छ । बस चालकलाई प्रहरीले निणन्त्रणमा लिएको छ ।
घटनावारे थप अनुसन्धान भइरहेको पनि प्रहरीले बताएको छ ।
प्रकाशित मिति : २०७६ कार्तिक २५ गते सोमवार
