कात्तिक १५। पूर्व सांसद रामलखन महतोको दुर्घटनामा परी मृत्यु भएको छ। ६० वर्षिय महतो शुक्रबार साइकल चढेर जनकपुर जाँदै गर्दा विपरित दिशाबाट आएको बसले मिथिला नगरपालिका-२ विश्वकर्मा चोकमा ठक्कर दिएको थियो।
बा ५ ख ८८५ नम्बरको यात्रु बहाकबसले ठक्कर दिँदा मृत्यु भएको जिल्ला प्रहरी कार्यालय धनुषाले जनाएको छ।
महतोको उपचारका क्रममा मृत्यु भएको हो। दुर्घटनापछि उनलाई जानकी हेलिकेयरमा लगिएको थियो।
प्रहरीले बस र चालक दुवैलाई नियन्त्रणमा लिएको जनाएको छ। महत्तो २०५१मा नेकपा एमालेबाट निर्वाचित सांसद हुन्।
प्रकाशित मिति : २०७६ कार्तिक १५ गते शुक्रवार
