दाङ,कात्तिक १० । तुलसीपुर उपमहानगरपालिका वडा नं. १७ हेमन्तपुर निवासी २६ बर्षीय गोपाल घिमिरे मृत अवस्थामा फेला परेपछि उनका २ जना साथीहरुलाई प्रहरीले पक्राउ गरेको छ ।
घटनावारे अनुसन्धानको लागि संगै रेष्टुरण्टमा मदिरा सेवन गरेका र संगै घर तर्फ हिडेका मध्य दुई जना युवालाई अनुसन्धानको लागि पक्राउ गरिएको ईलाका प्रहरी कार्यालय तुलसीपुरले जानकारी दिएको छ । पक्राउ परेका दुबै युवाहरुको नाम भने गोप्य नै राखिएको छ ।
ईलाका प्रहरी कार्यालय तुलसीपुरका प्रमुख हरिहरनाथ योगीले घिमेरे शुक्रवार बेलुकी पख बनकट्टी गाउँकै एक रेष्टुरेण्टमा मदिरा सेवन पछि घर तर्फ लागेका तीन जना मध्य घिमिरे मृत अवस्थामा फेला परेको हुदा संगै रहेका दुई जनालाई अनुसन्धानको लागि पक्राउ गरिएको जानकारी दिए ।
घिमिरे मृत अवस्थामा फेला पर्दा पक्राउ परेका दुबै जना भने फरार रहेका थिए । घिमेरेको शव बाटो छेउको सडकदेखि ४÷५ मिटर मुन्तिरको खोल्सामा फेला परेको प्रहरीले जानकारी दिएको छ।
