ज्ञानु गौतम,
रुकुम,कात्तिक ८ । रुकुम पश्चिमको चौरजहारीमा ट्याक्टर दुर्घटना हुँदा दुई जनाको मृत्यु भएको छ । दुर्घटनामा परि ट्याक्टर चालक सानिभेरी गाँउपालिका १ का २२ बर्षका महेन्द बिक र सहचालक सोही ठाँउ निवासी २७ बर्षका चन्द्र बहादुर बिकको मृत्यु भएको छ ।
ईलाका प्रहरी कार्यालय चौरजहारीका प्रहरी निरिक्षक धर्मसिंह बिष्टले चौरजहारीे बजारबाट सिमेन्ट लिएर सानिभेरी गाउपालिकाको बुगिचौर जाँदै गरेको भे १ त ५१०७ नम्बरको ट्रयाक्टर दुर्घटना हुँदा दुई जनाको मृत्यु भएको जानकारी दिए ।
गएराति साढे ७ बजेतिर चौरजहारी नगरपालिका र सानीभेरी गाँउपालिकाको सीमाना क्षेत्र सल्यानी पँधेरा भन्ने स्थानमा ट्रयाक्टर दुर्घटना भएको थियो । ट्रयाक्टर अनियन्त्रित भई पल्टिएको हुनसक्ने प्रहरीले बताएको छ । दुबैजनाको घटनास्थलमै मृत्यु भएको प्रहरीले जानकारी दिएको छ ।
प्रकाशित मिति : २०७६ कार्तिक ८ गते शुक्रवार
