शिवु खनाल, दाङ, कार्तिक ६ । आफ्नै श्रीमतिको हत्या पछि फरार एक व्यक्तिलाई प्रहरीले ६ बर्षपछि पक्राउ गरेको छ ।
लमही नगरपालिका वडा नं. ५ निवासी ३२ बर्षीय प्रदिपकुरमा जैसवलाले २०७० साल असार २५ गते आफ्नै श्रीमति प्रितीकुमारी जैसवाललाई घाँटी थिचेर हत्या गरि फरार रहँदै आएका थिए ।
प्रदपिलाई श्रीमति हत्या काण्डमा दोषी ठहर गर्दै दाङ देउखुरी जिल्ला अदालतले १८ वर्ष ८ महिना १९ दिन जेल सजायको फैसला सुनाएको थियो ।
वडा प्रहरी कार्यालय लमहीका प्रहरी निरिक्षक प्रज्वल थपलियाले लुकिछिपी बस्दै आएका फरार अभियुक्त जैसवाललाई मंगलवार बेलुका ६ बजेतिर लमही बजार क्षेत्रवाट गोप्य सूचनाको आधारमा पक्राउ गरिएको जानकारी दिए ।
त्यतिबेला सामान्ने विवादमा प्रदिपले श्रीमतिको घाँटी थिचेर हत्या गरेको प्रहरीले बताएको छ । जिल्ला अदालतले २०७४ साल पुस १७ गते जैसवालका विरुद्ध उक्त फैसला सुनाएको थियो ।
