दाङ,कात्तिक ४ । प्रहरीले घोराहीवाट फेरि पाँच जना जुवाडेलाई पक्राउ गरेको छ । पक्राउ पर्नेमा रोल्पा जिल्लाको माडी गाउँपालिका वडा नं. ४ घर भइ हाल घेराही उपमहानगरपालिका वडा नं. १५ मिलन चोकमा डेरामा बस्दै आएका २९ बर्षी निमबहादुर भण्डारीको कोठाबाट उनीहरु पक्राउ परेका हुन ।
जिल्ला प्रहरी कार्यालय दाङका अनुसार उनीहरुलाई आइतवार बेलुका साढे ६ बजे तिर पक्राउ गरिएको हो ।पक्राउ पर्ने अन्य ४ जना व्यक्तिहरु मध्य रोल्पाको लुङ्ग्री गाउँपालिका वडा नं. ३ निवासी ३२ बर्षीय प्रेमबहादुर बिष्ट, रोल्पाकै थवाङ गाउँपालिका वडा नं. १ बस्ने ३० बर्षीय कमल विक, दाङको घोराही १३ निवासी ३६ वर्षीय केशवबहादुर डाँगी सोहि ठाउँ निवासी ३२ बर्षीय श्यामलाल विक रहेका छन् ।
उनीहरुलाई २ गड्डी तास र ७४ हजार ५ सय ६० रुपैंया नगद सहित पक्राउ गरिएको प्रहरीले जानकारी दिएको छ। पक्राउ परेका सबैका विरुद्ध म्याद थप गरि जुवा सम्वन्धि कसुरमा मुद्दा दर्ता गरेर अनुसन्धान भइरहेको प्रहरीले जानकारी दिएको छ ।
