दाङ, असोज ७ । पत्रकार बिपुल पोख्रेलको नयाँ गीत सार्वजनिक भएको छ ।
उनको शब्द रचनामा ‘बोल, मन खोल’ बोलको गीतमा पत्रकार देवेन्द्र बस्नेतको स्वर छ । जीवन, जगत र मानवीय दर्शन झल्किने गीतमा संगीत बरिष्ठ संगीतकार सन्तोष श्रेष्ठको छ । गीतमा भिडियो संयोजन अर्का सञ्चारकर्मी सुदन थापाले गरेका छन् ।
दाङ घोराहीका स्थायी बासिन्दा पोख्रेलले तीन दशकयता पत्रकारितामा सक्रिय छन्। नेपाल पत्रकार महासंघका निवर्तमान अध्यक्ष पोख्रेलले यसअघि पनि आधा दर्जनजति गीतहरु लेखेका छन् ।
माओवादी सशस्त्र युद्धका बेला ६० को दशकतिर पनि उनले अधिकाँस गीतहरू लेखेका थिए । जखितेर उनले मोफसलकै नयाँ गायकहरूलाई ती गीतहरू गाउन दिए।
‘म आफैमा व्यावसायिक गीतकार त होइन कहिले काँही लेख्ने गर्छु र म फुर्सदको समयमा आफ्नो मनोरञ्जनको लागि सृजनाहरु गर्छु,’ उनी भन्छन ‘यो आफ्नो रहर पनि होला र नयाँ प्रतिभाहरूलाई अवसर दिनपनि सिर्जना गर्दै आएको छु।’
भिडियो पनि हेर्नुहोस :-
