दाङ, पुस २६ । जंगली जनावरको मासुसहित एक जना शिकारी पक्राउ परेका छन् ।
बर्दियाको गुलरिया नगरपालिका – १ छोदापुरका ३२ बर्षीय दिपचन्द्र कोरीलाई ३ किलो २ सय ग्राम मृगको मासुसहित पक्राउ गरिएको प्रहरीले जानकारी दिएको छ ।
जंगली जनावर मृगको बच्चाको टाउको, खुट्टा र मासुसहित कोरीलाई बुधबार दिउँसो ३ बजेतिर प्रहरी चौकी खैरापुरबाट खटिएको प्रहरी टोलीले घरबाट नियन्त्रणमा लिइएको थियो ।
जिल्ला प्रहरी प्रबक्ता तुल्सीराम अर्यालले पक्राउ परेका कोरीलाई आवश्यक कारबाहीका लागि डिभिजन वन कार्यालय गुलरियामा बुझाइएको बताए ।
प्रकाशित मिति : २०८० पुष २६ गते बिहिवार
