चितवन ,पुस ७ । जिल्लामा कारको अगाडिको टायर पड्केर दुर्घटना हुँदा एक जनाको मृत्यु भएको छ।
मृत्यु हुनेमा कालिका नगरपालिका–५ बस्ने २७ वर्षीय विष्णु क्षेत्री रहेका छन्।
नगरपालिकाको वडा नम्बर १ स्थित लङ्कालाइनमा भरतपुरबाट खालेसिमल जाँदै गरेको बा ११ च ८७८९ नम्बरको कारको अगाडिको बायाँ साइडको टायर पड्किएको हो।
टायर पड्किँदा कार अनियन्त्रित भई पल्टिँदा घाइते भएका क्षेत्रीको उपचारको क्रममा नयाँ मेडिकल कलेजमा मृत्यु भएको हो।
प्रकाशित मिति : २०८० पुष ७ गते शनिवार
