काठमाडौं ,जेठ २८ । त्रिभुवन अन्तर्राष्ट्रिय विमानस्थलमा गोली चलेको छ ।
लागूऔषध नियन्त्रण ब्यूरोबाट खटिएको टोलीले लागूऔषध कारोबारी एक युवामाथि गोली प्रहार गरेको ब्यूरोका एसपी चक्र जोशीले इकागजलाई जानकारी दिए ।
युवालाई नियन्त्रणमा लिने क्रममा गोली चलाउनु परेको हो । एसपी जोशीकाअनुसार युवाको बाँया खुट्टामा गोली लागेको छ ।
‘ती युवा कारोबारी नै हुन्,’ एसपी जोशीले भने, ‘उनीबाट लागूऔषधसमेत बरामद भएको छ ।’
कारोबारीलाई पछ्याउने क्रममा एअरपोर्टको गेट बाहिर गोली चलेको उनले बताए ।
प्रकाशित मिति : २०८० जेष्ठ २८ गते आइतवार
