तुलसीपुर,माघ २५ । तुलसीपुरमा रहेको ज्ञानदीप कलेज स्नातक तहमा नवप्रवेशी विद्यार्थीहरुलाई स्वागत एवम् अध्ययन पुरा गरेर जाने विद्यार्थीहरुलाई विदाई गरिएको छ । कलेजमा स्नातक तह प्रथम वर्षका विद्यार्थीहरुलाई स्वागत गरिएको हो भने चौथो वर्षका विद्यार्थीहरुलाई विदाई गरिएको हो ।
स्नातक तह दोस्रो वर्षमा अध्ययनरत विद्यार्थीहरुले कार्यक्रमको आयोजना गरेका हुन् । कलेजका छात्र हेमराज वलीको अध्यक्षतामा भएको कार्यक्रममा प्रमुख अतिथि वडा नम्वर ६ का वडाध्यक्ष नवराज लामिछानेले गुणात्मक शिक्षाको विकासका लागि ज्ञानदीपले खेलेको भुमिकाको प्रशंसा गरेका थिए । उनले नयाँ प्रवेशी विद्यार्थीहरुलाई स्वागतका साथै विदाई भएर जाने विद्यार्थीहरुलाई शुभकामना समेत दिएका थिए ।
लगनशिलता र धैर्यताले विद्यार्थीलाई सफल वनाउने भन्दै निरन्तर पढाईमा लागिरहन आग्रह समेत गरेका थिए । कलेजका प्राचार्य सुरेन्द्र जिसीले विद्यार्थीले पाउने सफलता नै शिक्षकको खुसी भएको वताउँदै नयाँ शैक्षिक यात्राको शुभकामना दिएका थिए । कार्यक्रममा वोल्दै विद्यार्थी तेजवहादुर डाँगीले कलेजमा सिकेका कुरालाई जीवनको हरेक क्षणमा लागु गर्ने वताए ।
कार्यक्रममा विद्यालयमा सहप्राचार्य सुरेन्द्र जिसी, शैक्षिक संयोजक शरद गौतम, शिक्षक डिल्लीराज धिताल विद्यार्थी हेमन्त वली लगायतले मन्तव्य राखेका थिए । सो. अवसरमा उत्कृष्ट नतिजा ल्याउने विद्यार्थीहरुलाई सम्मान समेत गरिएको थियो । कार्यक्रममा विद्यार्थीले विभिन्न साँस्कृतिक प्रस्तुती राखेका थिए ।
