दाङ, साउन १९ ।रोल्पामा घर पहिरोले पुर्दा बज्यै र नातिनीको मृत्यु भएको छ ।
सिउरी पहिरोमा परेका मध्य झन्डै ७० बर्षीया बज्यै वसुना सुनारको शब शनिबार बिहान पहिला फेला परेको थियो भने पहिरो पञ्छाउँदै जाने क्रममा नातिनी ४ बर्षीया मायाको शब पनि फेला परेको हो ।
जिल्लाको सुनछहरी गाउँपालिका – ४ कामी डाँडामा २४ बर्षीय देउसिंह कामीको घर पहिरोले पुर्दा उनकी आमा र छोरी बेपत्ता भएका थिए ।
घटनाबारे स्थानीयले प्रहरी चौकी सिउरीमा राति पौने १० बजेतिर जानकारी गराएका थिए । रोल्पाका प्रहरी प्रबक्ता केशबराज बाराकोटीका अनुसार देउसिङ भने कामको सिलशिलामा पहिरो जाँदा घरमा थिएनन् ।
प्रकाशित मिति : २०८१ साउन १९ गते शनिवार
