तुलसीपुर,असार २ । दाङ शान्तिनगर गाउँपालिका वडा नं.१ का भूमिहिन सुकुम्वासीहरुलाई अस्थायी निस्सा‘सेतो पुर्जा’ वितरण गरिएको छ ।
पहिलो चरणमामा वडाका ५ सय ३४ जनालाई सेतोपुर्जा वितरण गरिएको वडाध्यक्ष जंगबहादुर पुनले बताए ।
उनका अनुसार पहिलो चरणमा भूमिहिन सुकुम्वासीहरुलाई सेतो पुर्जा वितरण गरिएको हो ।
“हामीले अतिविपन्न भूमिहिन सुकुम्वासीहरुलाई पहिलो चरणमामा सेता पूर्जा वितरण गरेका हौं”,उनले भने “अब्यबस्थित बसोबास गरेकाहरुलाई पनि ब्यबस्थित बनाउने तयारीमा छौं ।”
अब अमिनले फिल्डमा गएर नापजाँच गर्ने र सोही अनुसार रातोपुर्जा पाउने उनको भनाई छ ।
यो संगै शान्तिनगरमा भूमि सम्बन्धि समस्या समाधानको काम अघि बढेको पालिका अध्यक्ष प्रमोद बस्नेतले बताए ।
साथै उनले अब सबै वडामा यसरी नै पुर्जा वितरण गर्ने गरि काम अघि बढाएको बताए ।
प्रकाशित मिति : २०८० असार २ गते शनिवार
