तुलसीपुर, पुस २७ । राप्ती गाउँपालिका वडा नं. ८ स्थित सोही बचत तथा ऋण सहकारी संस्थाको रकम हिनामिना प्रकरणमा किरण भण्डारी र रुकमाङगत ज्ञवालीलाई जनही ५०÷५० लाख धरौटी माग भएको छ ।
दाङ जिल्ला अदालतले आइतबार संस्थका पदाधिकारीहरु भण्डारी र ज्ञवालीसंग ५०÷५० हजार धरौटी माग गरेको हो ।
तोकिएको धरौटी बुझाउन नसकेपछि अदालतको आदेशले पूर्पक्षका लागि दुबै जना जिल्ला कारागार घोराहीमा पठाइएका छन् ।
त्यस्तै अदालतले उक्त सहकारीका कोषाध्यक्ष रामकृष्ण पौडेल २५ लाख धरौटी मागेकोमा उनले तोकिएको रकम बुझाएर तारेखमा रिहा भएको दाङ जिल्ला अदालतका सूचना अधिकारी राजेन्द्र शर्माले फरककोणलाई बताए ।
गत साउनमै प्रतिबादी मध्य राप्ती गाउँपालिकाका अध्यक्ष नुमानन्द सुबेदी अदालतले मागेको साढे दुई लाख धरौटी बुझाएर तारेखमा रिहा भएका थिए ।
राप्ती गाउँपालिका वडा नं. ८ उक्त सहकारीका शिबध्वज मल्लसहितका शेयर सदस्यहरुले पाँच करोड, २७ लाख २६ हजार, ६ सय ९२ रुपैंया हिना हिनामिना गरेको भन्दै २५ जनाविलाई प्रतिबादी बनाएर अदालतमा गत असारमै जाहेरी दिएका थिए ।
रकम हिनामिना प्रकरणमा अदालतले यसअघि २० जना बिरुद्ध पक्राउ पूर्जी जारी गरेको थियो । मुद्दाको अन्तिम फैसला हुन बाँकी नै छ ।
यो पनि हेर्नुहोस ।
सहकारीको ५ करोड बढी रकम हिनामिना मुद्दामा २० जना बिरुद्ध पक्राउ पूर्जी जारी (नामावली सहित)
https://farakkon.com/main-news/33858/
