शरद रेग्मी,तुलसीपुर माघ १८ । तुलसीपुर ८ कृष्ण मन्दिरमा स्वर्गिय तेजबहादुर भण्डारीको स्मृतिमा रोटरी धार्मिक प्रतीक्षालय स्थापना गरिएको छ ।
शनिबार प्रतिक्षालयको एक कार्यक्रमका बिच मन्दिर ब्यबस्थापन समितिलाई हस्तान्तरण गरिएको छ ।
कार्यक्रममा प्रमुख अतिथी तुलसीपुर उपमहानगरपालिका वडा नम्बर ८ का वडा अध्यक्ष बेद बहादुर केसीले रोटरि क्लब अफ तुलसीपुर सिटिले मन्दिरहरुमा प्रतिक्षालय निर्माण गरिदिएकोमा धन्यबाद दिए ।
उनले रोटरिले सामाजिक क्षेत्रमा गरेको योगदानको बारेमा पनि चर्चा गरे ।
रोटरि क्लब अफ तुलसीपुर सिटिकाका अध्यक्ष सुरेश हमालको अध्यक्षतामा भएको कार्यक्रममा भाबि अध्यक्ष शिब श्रेष्ठ, मन्दिर ब्यबस्थापन समितिका उपाध्यक्ष मुकुन्द काफ्ले ,लगायतले समाजसेबि ब्यक्तित्व स्वर्गिय तेजबहादुर भण्डारिले समाजमा पुर्याएको योगदानको चर्चा गरेका थिए ।
सो अबसरमा करिब ५ लाखको लागतमा प्रतिक्षालय निर्माण गर्ने स्वर्गिय भण्डारीका छोरा बुहारी क्षेत्र भण्डारी र रम्भाकुमारि भण्डारीलाई क्लबले सम्मान गरेको थियो ।
त्यस्तै सो अवसरमा मन्दिर परिसरमा रोटरि क्लब र रोट्रयाक्ट क्लब तुलसीपुरले सरसफाई कार्यक्रम समेत सम्पन्न गरेको रोट्रयाक्ट क्लबका अध्यक्ष प्रमिस लामिछानेले जानकारि दिए ।
यस अघि तुलसीपुरको अर्को धार्मिक स्थल त्रिसिद्देश्वरि मन्दिर परिसरमा रोटरि प्रतिक्षालयको उदघाटन गरिएको थियो ।
