तुलसीपुर,माघ ९ । तुलसीपुर उपमहानगरपालिका वडा नं ६ मा रहेको डिभाइन टेम्पल एकेडेमीमा जेसिज इन स्कुल विषय अभिमुखीकरण कार्यक्रम गरिएको छ ।
तुलसीपुर नगर जेसिजले शुक्रवार एक कार्यक्रमको आयोजना गरि उक्त कार्यक्रम गरेको हो ।
तुलसीपुर नगरजेसिज वर्ष २०२१ का अध्यक्ष जेसी नेत्रलाल भट्राई (नारायण)को अध्यक्षतामा भएको कार्यक्रममा जेसिज,यसको महत्व,उद्देश्य बारेमा विद्यार्थीहरुलाई जानकारी गराइएको थियो ।
जसको प्रशिक्षकमा जेसी सन्दिप भुसाल रहेका थिए ।
यसैबिच सो अवसरमा डिभाइन टेम्पल एकेडेमीले तुलसीपुर नगर जेसिज वर्ष २०२१ का नवनिर्वाचित पदाधिकारीहरुलाई स्वागत तथा सम्मान गरेको छ ।
डिभाइन टेम्पल एकेडेमीका प्रिन्सिपल भोजराज न्यौपानेको स्वागत मन्तव्यबाट सुरु भएको कार्यक्रमको सहजीकरण वर्ष २०२१ का महासचिव दामोदर न्यौपानेले गरेका थिए ।
कार्यक्रममा आस्था पाठ वर्ष २०२१ कार्यकारी उपाध्यक्ष जेसी बसन्त भण्डारीले गरेका थिए ।
साथै जेसिज इन स्कुल कार्यक्रम आगामी दिनहरुमा अन्य स्कुलहरुमा पनि सञ्चालन गरिने जेसिज वर्ष २०२१ का प्रवक्ता जेसी पुर्णबिक्रम डाँगीले जानकारी दिए ।
