तिर्थराज ज्ञवाली, देउखुरी, पुस २७ । राप्ती गाउँपालिका वडा नं। ६ मा माघी पर्वको अवसरपारी भलिबल प्रतियोगीता सुरु भएको छ ।
प्रतियोगितामा वडाका बगरापुर, सगरापुर, भगवानपुर, पत्थरगढवा र मझेरिया गाउँका १५ खेल समुहको सहभागिता रहेको छ ।
प्रतियोगिताको सोमवार गाउँपालिका अध्यक्ष नुमानन्द सुबेदीले उद्घाटन गरेका हुन ।
गत बर्षदेखि नै वडाले पुरुष र महिला दुबैका लागि भलिवल तथा फुटवल प्रतियोगिताको आयोजना गर्दै आएको वडा अध्यक्ष बेदप्रसाद चौधरीले जानकारी दिए ।
नयाँ खेलाडीको उत्पादन तथा क्षमता पहिचानको लागि वडाले प्रतियोगीताको आयोजना गर्दै आएको चौधरीले बताए ।
प्रतियोगितामा विजयी समुहलाई नगद, प्रमाणपत्र र शिल्ड प्रदान गरिने भएको छ ।
‘लागु पदार्थ दुर्वेशन त्यागौ, खेलकुदमा लागौ’ भन्ने सन्देशका साथ प्रतियोगिता सुरु गरिएको छ ।
वडा कार्यालयको बार्षिक कार्यक्रम अन्तरगत माघी पर्बको अवसरमा खेलकुद प्रतियोगीताको आयोजना गरिएको वडा सचिव मंगलप्रसाद चौधरीले बताए ।
