काठमाण्डौ,पुस २१ । नेपालमा पछिल्लो २४ घण्टामा पाँच सय २२ जना कोरोना भाइरसका सङ्क्रमित थपिएका छन् ।
चार हजार पाँच सय ५१ जनाको पीसीआर परीक्षण गर्दा पाँच सय २२ जनामा कोरोना पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
अब नेपालमा कोरोना भाइरसका कुल सङ्क्रमितको सङ्ख्या दुई लाख ६२ हजार सात सय ८४ पुगेको छ ।
गएको २४ घण्टामा पाँच सय ७८ जना डिस्चार्ज भएसँगै निको हुनेको सङ्ख्या दुई लाख ५५ हजार ६ सय ६६ पुगेको मन्त्रालयले जनाएको छ ।
यस्तै सङ्क्रमणका कारण थप आठ जनाको ज्यान गएसँगै कोरोनाबाट ज्यान गुमाउनेको सङ्ख्या एक हजार ८ सय ९३ पुगेको छ ।
अहिले नेपालमा पाँच हजार दुई सय २५ जना सक्रिय सङ्क्रमित आइसोलेशनमा छन् । त्यस्तै तीन सय ४२ जना क्वरेण्टीनमा छन् ।
प्रकाशित मिति : २०७७ पुष २१ गते मङ्गलवार
