तुलसीपुर, मंसिर २९ । गुडिरहेको ट्रयाक्टरबाट खसेर दाङ देउखुरीका एक युवक गम्भीर घाइते भएका छन् ।
राप्ती गाउँपालिका वडा नं। ६ निवासी २० बर्षीय बिपन चौधरी गुडिरहेको ट्रयाक्टरबाट खसेर गम्भीर घाइते भएका छन् ।
चौधरी ट्रयाक्टरबाट खसेपछि सोही ट्रयाक्टरले उनलाई किचेको र उनको एउटा खुट्टा फ्याक्चर भएको जिल्ला प्रहरी प्रबक्ता सुमित खड्काले फरककोणलाई जानकारी दिए ।
चौधरी आइतवार राति साढे १० बजेतिर गुडिरहेको लु ३ त १३२६ नम्वरको गुडिरहेको ट्रयाक्टरबाट खसेको डिएसपी खड्काले बताए ।
घाइते चौधरीलाई स्थानीय स्तरमा प्रारम्भीक उपचार पछि थप उपचारका लागि बुटवल रेफर गरि उपचार भइरहेको प्रहरीले जनाएको छ ।
ट्रयाक्टर र चालक प्रहरी नियन्त्रण रहेका छन् ।
प्रकाशित मिति : २०७७ मङ्सिर २९ गते सोमवार
