दाङ, मंसिर २९ । बाँकेमा कोरोना संक्रमित ५४ बर्षीय एक पुरुषको मृत्यु भएको छ ।
कञ्चनपुरको भिमदत्त नगरपालिका वडा नं। १५ का ५४ बर्षीय पुरुषको गएराति साढे १२ बजे भेरी अस्पताल नेपागञ्जमा मृत्यु भएको बाँकेका फोकल पर्सन तेज वलीले जानकारी दिए ।
ती व्यक्ति मंसिर २२ गते कोरोना संक्रमन पुष्टि भएकै दिन भेरी अस्पताल भर्ना भएका थिए ।
यो संगै बाँकेमा बाहिरी जिल्लावाट उपचारका लागि लगिएका ६९ जनाको संक्रमितको मृत्यु भएको जिल्ला फोकल पर्सन वलीले बताए ।
त्यसैगरी बाँके जिल्लाका थप ४१ जनाको हालसम्म मृत्यु भएको छ । सबै गरि कुल १ सय १० जना संक्रमितको हालसम्म बाँकेमा मृत्यु भएको जिल्ला फोकल पर्सन वलीले जानकारी दिए ।
प्रकाशित मिति : २०७७ मङ्सिर २९ गते सोमवार
