फाइल तस्बिर
तुलसीपुर, भदौ २९ ।मध्यरातदेखि सुरु भएको अविरल बर्षा पछिको बाढीले लाखौंको क्षति गरेको छ ।तुलसीपुर–घोराही सडक खण्डमा पर्ने हापुर खोलामाआएको बाढीले एउटा बोलेरो गाडी बगाएको छ ।
जिल्ला प्रहरी प्रबक्ता डिएसपी सुमित खड्काका अनु्सार ना ४ ६ १४४६ नम्वरको उक्त बोलेरो गाडी बगाउँदा ३ हजार कुखुराका चल्लामरेर नष्ट भएका छन् ।
जसवाट तीन लाख बढीको नोक्सानी भएको डिएसपी खड्काले जानकारी दिए । गाडी विहान साढे ६ बजेतिर बगाएको खड्कालेजानकारी दिए ।
त्यस्तै तुलसीपुर उपमहानगरपालिका वडा नं. ८ चमेरे खोलामा आएको बाढीले स्थानीय राजकुमार वलीको कुखुराको फर्म नै बगाएको छ।
वलीको २२ दिनका एक हजार बढी चल्ला र १० बोरा दाना बगाएको इलाका प्रहरी कार्यालय तुलसीपुरका प्रबक्ता प्रहरी निरिक्षकचक्रडम्मर पालले जानकारी दिए । त्यसवाट वलीको चार लाख बढीको क्षति भएको अनुमान गरिएको उनले बताए ।
त्यस्तै मंगलवार विहान साढे ३ बजेतिर घोराही उपमहानगरपालिका वडा नं. १२ स्थित भागिराम चौधरीको घरमा चट्याङ पर्दा क्षति पुगेकोछ ।
चट्याङले घरका तीन वटा कोठामा ध्वस्त भएपनि मानविय क्षति भने नभएको डिएसपी खड्काले बताए ।गएराति दाङमा मेघ गर्जनसहित भारी बर्षा भएपछि जिल्लाका दर्जन बढी खोलाहरुमा बाढीको आएको छ ।
