यमकला भुसाल,तुलसीपुर,२२ माघ । ड्रिमल्यान्ड टेडर्स प्रा.लि यामाहाको शोरुम तुलसीपुर दाङले सलुटो मोटरसाइकल खरिदमा नयाँ स्कीम ल्याएको छ ।
बिहिवार पत्रकार सम्मेलनको आयोजना गरि यामाहा शोरुम तुलसीपुरका सञ्चालक राजेन्द्र श्रेष्ठले सलुटो मोटरशाइकल खरिद गर्दा हरेक ग्राहकलाई ३२ इन्चको एलइडि टि.भि उपहार प्रदान गरिने जानकारी दिए ।
उनका अनुसार एम.ए.डब्लु इन्टरप्राइजेज प्रा.लि ले स्कुटरहरुको बिक्री प्रर्वद्धन गर्ने मनसायले यामाहा कम्पनीका स्कुटरहरु किन्दा ० प्रतिशत व्याजदरले खरिद गर्न सकिने छ ।
हामी विवाहको मौसमलाई थप उल्लासमय बनाउन चाहन्छौं,श्रेष्ठले भने,–त्यसैले सलुटो वा एसजी आरआर किन्दा उपहारमा टिभी पाउने व्यवस्था गरेका हौँ ।
यामाहाले सलुटो १२५ बाइकलाई नयाँ डिजाइनको साथ हालै सार्वजनिक गरेको हो । कम्पनीले सलुटो १२५ यूबीएस र सलुटो आरएक्स ११० यूबीएस दुई मोडलका बाइकहरु बजारमा सार्वजनिक गरेको हो ।
यसअघि पनि यसको रेगुलर भर्सन बिक्री गरिरहेको थियो । यामाहाले बजारमा बिक्री गर्दै आएको सबैभन्दा सस्तो बाइक पनि सलुटो नै हो ।
