घोराही,माघ २१ । घोराही महोत्सवको बाह्रो दिन नेपाली सांगितिक क्षेत्रका चर्चित गायक प्रमोद खरेललाई मंगलवार दर्शकले झम्के साँझ पर्दासम्म पनि साथ दिए ।
खरेलले गीतहरु गाउँदा दर्शकहरुले भरपुर मनोरञ्जन लिएका थिए । खरेलाई नाचेर गाएर अनि हुटिङ गरेर दर्शकले झुमुक्क साँझ परिसक्दा समेत साथ दिएका थिए । तैपनि मञ्चबाट उनले विदा हुन खोज्दा दर्शकहरुले वान्स मोर भनिरहेका थिए । दर्शकहरुको आग्रपछि खरेलले झम्के साँझ परेपनि थप दुई वटा गीत गाए ।
२५ जनाले रक्तदान गरे
महोत्सवमा १२ दिनसम्म २५ जनाले रक्तदान गरेको महोत्सव प्राथमिक स्वास्थ्य उपसमिति संयोजक सुशिला पौडेलले जानकारी दिएकी छन् । मंगलवार दुई जनाले रक्तदान गरेको उनले बताइन । चार सय बढीले स्वास्थ्य परिक्षण गरे महोत्सवमा कुल चार सय २१ जनाले स्वास्थ्य परिक्षण गरेका छन् । उनीहरुलाई विभिन्न प्रकारको प्राथमिकत उपचार गरिएको महासचिव टिकादत्त खनाल ‘सागरल’ले जानकारी दिए ।
