नन्दराम खड्का,
होलेरी,माघ २० । त्रिबेणी गाउँपालिका वडा नं. २ स्थित अरनिको माबि नुवागाउँमा छात्रबास निर्माणको काम सुरु भएको छ । यो माविमा गत बर्षदेखि आइएसएजी पनि सञ्चालनमा आएपछि टाढाबाट पढ्न आउने बिध्यार्थीको सुविधाको लागि छात्रबास निर्माण गर्न लागिएको हो ।
गाउँपालिकाको २० लाख बजेटवाट छात्रबास निर्माण थालिएको हो । त्रिबेणी गाउँपालिका वडा नम्बर २ का अध्यक्ष कबिराज बुढाले आइएसएजी कक्षा सञ्चालन गरेपछि सल्यान,रुकुम र जाजरकोट जिल्लावाट समेत विद्यार्थी पढ्न आएको हुँदा उनीहरुको सुविधाको लागि छात्रबास निर्माण गर्नु परेको बताए ।
छात्रवास ९ कोठाको हुने छ । आगामी बैशाखसम्म निर्माण कार्य सक्ने लक्ष्य लिइएको छ ।
गत बर्ष प्रदेश सरकारको बजेटले यहाँ ४ कोठे आरसिसी भवन निर्माण गरिएको थियो ।
प्रकाशित मिति : २०७६ माघ २० गते सोमवार
