दाङ,माघ १७ । दाङको लमहीमा स्कूल बसको ठक्कर बाट एक सिशुको मृत्यु भएको छ । शुक्रबार दिउँसो करिब पौने ४ बजेतिर रा १ ख १०२८ नम्बरको स्कुल बसले लमही नगरपालिका वडा नं. ६ देउपुर निवासी छोटु मुसलमानकी १८ महिनाकी छोरी सफिना खातुनको मृत्यु भएको छ ।
वडा प्रहरी कार्यालय लमहीका प्रमुख प्रहरी निरिक्षक प्रज्वल थपलियाले उनको घटनास्थलमै मृत्यु भएको जानकारी दिए ।ठक्कर दिने बस लमहीस्थित गोरखा मोडल सेकेण्डरी स्कुलको रहेको थपलियाले बताए । विद्यार्थी छोड्न आएको उक्त स्कुल बसले खेल्दै गरेकी खातुनलाई ठक्कर दिएको आफन्तले बताएका छन् । चालक र बसलाई प्रहरीले नियन्त्रणमा लिएको छ ।
प्रकाशित मिति : २०७६ माघ १७ गते शुक्रवार
