तुलसीपुर,माघ ५ । तुलसीपुर उपमहानगरपालिकाले नगरप्रोफाईल सार्वजनिक गर्ने भएको छ । उपमहानगरपालिकाले विभिन्न विषयसंग सम्वन्धित ताजा तथ्यांक उपलब्ध गराउन त्यो प्रोफाईल तयार पारेको बताएको छ ।
प्रोफाईलको मुख्यमन्त्री शंकर पोख्रेलले सार्वजनिक गर्ने तयारी भएको नगरप्रमुख घनश्याम पाण्डेले वताए । माघ ८ गते उपमहानगरपालिकाको सभाहलमा हुने कार्यक्रममा त्यो प्रोफाईल सार्वजनिक हुने छ । त्यसका साथै तुलसीपुर क्षेत्रमा सञ्चालन भएका विभिन्न योजनाका वारेमा छलफल हुने नगरप्रमुख पाण्डेले बताए ।
यसैविच तुलसीपुरमा सञ्चालित तुलसीपुर वहुप्राविधिक शिक्षालय मेट्रो कलेजको पनि मुख्यमन्त्री पोख्रेलले उद्घाटन गर्ने भएका छन् । तुलसीपुरलाई प्राविधिक शिक्षाको केन्द्रका रुपमा स्थापना गर्न उपमहानगरपालिकाले यसै शैक्षिक सत्रबाट कलेज सञ्चालन गरेको हो । आगामी मंगलवार नै मुख्यमन्त्रीले तुलसीपुर १२ हरिपौरीमा पुगेर कलेजको उद्घाटन गर्ने नगर प्रबक्ता श्याम डाँगीले जानकारी दिए ।
