२०८१ जेष्ठ १३ गते आइतवार

उच्च अदालतले उत्खनन् रोक्न अन्तरिम आदेश दियो

तस्बिर : राजेश खत्री

दाङ,पुस १४ । उच्च अदातल तुलसीपुरले तुलसीपुरको पहाडी क्षेत्रमा भइरहेको उत्खनन् रोक्न अन्तरिम आदेश जारी गरेको छ । आइतवार मात्रै तुलसीपुरका एक युवा नविन बुढाथोकीले नगर प्रमुख, तुलसीपुर उपमहानगरपालिका, पेटीमा उत्खनन्को काम गर्दै आएका ठेकेदार, सामुदायिक वन, उपभोक्ता समिति लगाएतलाई विपक्षी बनाएर उच्च अदालतमा रिट हालेका थिए ।

त्यसमाथि सोमवार सुनुवाई गर्दै उच्च अदालतका माननिय न्यायाधिस शालिग्राम कोईरालाको एकल ईजलासले पुस २१ गते सम्मको लागि उत्खनन्को काम रोक्न अन्तरिम आदेश जारी गरेको अधिवक्ता प्रविण लम्सालले जानकारी दिए ।

सोमवार उक्त विषयमा झन्डै एक दर्जन बढी अधिवक्ताहरुले बहस गरेका थिए । अब पुस २१ गते उक्त विषयमा उच्च अदालतको डिभिजन बेञ्चमा छलफल हुने छ ।

निवेदक बुढाथोकीले पुस १३ गते तुलसीपुर नगर प्रमुख, तुलसीपुर उपमहानगरपालिकाको कार्यालय समेतलाई विपक्षी बनाउँदै परमादेश उत्प्रेरण निषेधज्ञाको माग गर्दै मुद्दा दर्ता गराएका थिए ।
अब २१ गते पछि मात्रै उत्खनन्को विषयमा के हुने भन्ने टुङ्गो लाग्ने भएको छ ।

प्रकाशित मिति : २०७६ पुष १४ गते सोमवार
प्रतिक्रिया दिनुहोस

Leave a Reply

Your email address will not be published. Required fields are marked *