दाङ,कार्तिक २२ । उर्जा तथा जलश्रोत वर्षमान पुनले निर्वाचन आचारसंहिताको उलंघन गरेका छन् । मन्त्री पुनले आचारसंहिता लागुभइसकेको अवस्थामा घोराही उपमहानगरपालिका वडा नं. ३ झिंग्नीमा निर्माण पुरा भएको १३२ केभि प्रसारण लाइनको शुक्रवार उद्घाटन गरेका छन् ।
दाङमा एक प्रदेशसभा सदस्य र एक वडा अध्यक्ष गरि दुई स्थानमा निर्वाचन हुन गइरहेको हुँदा निर्वाचन आचार संहिता लागु भइसकेकोछ । तर त्यसको बेवास्ता गर्दै सत्तासिन दल नेकपाका नेता तथा उर्जामन्त्रीले प्रशारण लाइनको उद्घाटन गरेका हुन ।
निर्वाचन आचारसंहिता लागु भएपछि कुनैपनि संरचनाको उद्घाटन, शिलान्यास र अनावरण गर्नु निर्वाचनको आचारसंहिता विपरितकोकार्य मानिन्छ ।
दाङका मुख्य निर्वाचन अधिकृत रितेन्द्र थापाले प्रशारण लाईनको उद्घाटन गरेको बारेमा संबन्धित पक्षलाई कार्यालयमाबोलाउने तथा सोधपुछ गर्ने प्रतिवद्धता जाहेर गरे । ‘यो बर्जित छ बाहालवाला मन्त्रीले यसो गर्नु गलत हो । यो सरासर आचारसंहिताउलंघन हो,’ अधिकृत थापाले भने । यो विषयमा सिडियोलाई सोधेर छलफल गरेर के गर्ने भन्ने बारेमा छलफल गरिने निर्वाचन अधिकृतथापाले जानकारी दिए । ‘मैले सिडियो सापलाई बुझे उहाँले म यसो घुम्न जान्छु भन्नु भएको रहेछ,तर औपचारिक कार्यक्रम नै गरेरउद्घाटन पो गर्नु भएको भन्ने कुरा आएको छ,’ अधिकृत थापाले भने । उनले आफु कहाँ कसैको जाहेरी वा कुनैपनि प्रकारको गुनासोआएमा त्यो निर्वाचन आगोगमा लेखेर पठाइदिने विश्वास दिलाए ।
