एजेन्सी, कात्तिक ११ । भारतको पिथौरागढमा तीन नेपाली मजदूरको हत्या भएको छ। उनीहरुको कात्तिक ८ गते हत्या भएपनि आइतबार मात्रै थाहा भएको हो।
पुरचौंडी नगरपालिका–५ दहतालीका ३६ वर्षीय हरे बोहरा र सोही स्थानका २७ वर्षीय बीरा बोहरा तथा पुर्चौंडी नगरपालिका–४ भटना तडीखेतका ३६ वर्षीय काशी बोहराको हत्या भएको जिल्ला समन्वय समितिका उपप्रमुख धनबहादुर बोहराले बताएका हुन्।
हरे र बीरा सहदोर दाजु भाइ रहेको भन्ने खुल्न आएको छ । उनीहरु सबैको धारिलो हतियारले प्रहार गरि हत्या भएको अवस्थामा शव फेला परेको छ ।
उनीहरुले पिथौरगढको सिलौलमड भन्ने ठाउँमा गएको डेढ वर्षयतादेखि मजदूरी गर्दै आइरहेका थिए। हरे बोहराकी श्रीमती किर्रा फरार रहेकीले घटना थप रहस्य मय बन्न पुगेको अनुमान गरिएको छ ।
प्रकाशित मिति : २०७६ कार्तिक ११ गते सोमवार
